剧本角色
应时
女，0岁
女，二十二三。
林化文
男，0岁
男，二十五六
应是应时
编剧：安林
美工：狐满多
❥(^_-) 感谢安林授权【粤语港】柳如诗 粤语翻译改编
试本 / 翻译建议：蓝蓝的小鲸【粤语港】
剧本仅限于戏鲸娱乐，禁止商用和转载 ！
「国语本：67899」《应是应时》安林「原创」
剧本是安林原创作品，仅限于戏鲸娱乐，未经安林授权，禁止改编和转载其它平台
*此本翻配录音上传，必须写明出处，注明主创和出品。
应时：女，二十二三。
林化文：男，二十五六。
文本备注说明：生僻字<粤拼>（国语释义）
01
/两人刚开始都没有很认真/
BGM1 Kan R. Gao - Born a Stranger
应时：（平静）要唔要拍拖呀？林老师。
林化文：（OS）我哋之前系隔篱邻舍。关系嘅转变就喺一瞬间。
应时：你嘅名系边个化，边个文呀？（你个名点样写？）
林化文：（OS）其实我哋唔系好熟，但系我哋的而且确系喺埋一齐。
应时：咁啱我今日唔使返工，嚟倾下偈喇，男朋友。
林化文：点解系我？
应时：点解唔可以系你？
林化文：话说，都仲未多谢你，寻日朝早——我系话个僆< leng1 > 妹（小姑娘）来搵我嗰时，多得你帮我解围。
应时：唔使客气，唔系你突然嗌我，我仲可以扮得似啲。
林化文：宜家都唔使“扮”喇，你都已经系我女朋友。
应时：……嗯。
林化文：你……点解你唔问我同佢啲事？
应时：佢系你学生，而佢钟意你。你拒绝咗佢，噉即系冇偈倾喇。唔怪之得佢离开嗰阵偷偷地噉喊喇。
林化文：……（似笑非笑）噉好喇，都啱嘅。佢钟意我，而我唔可以同佢（有结果）系冇可能。
应时：噉你钟唔钟意佢啫？
林化文：我宜家系你嘅男朋友。
应时：噉你钟唔钟意佢呀？
林化文：（坦诚）少少喇，有个女仔咁真心嘅钟意你，好难唔动心，唔系咩？
应时：你钟意佢。
林化文：既然我拣咗你，我就会放低佢。
应时：有乜所谓啫，反正你同佢又冇乜可能。
林化文：点解系我。
应时：苏格拉底话过，清除杂草的方式是种上新的庄稼。
林化文：（OS）喺佢嘅眼底一片平静，有成年人嘅笃定同冷淡。我好似被人整蛊咁，心底涌起难以忽视嘅愤怒。
应时：而且，有咗代替品，先至唔会念念不忘，系咪，老师？
林化文：（好笑）做咩，你见佢一次，你咪以为可以替代佢？你都廿几岁喇，可唔可以冇咁自以为是。
应时：（陈述） 噉你咧，点解会应承同我喺埋一齐。
林化文：我……
林化文：（OS）我嘅脑入边谂咗无数个冠冕堂皇嘅理由，但系都冇办法讲出口。佢嘅眼神坦然清澈，我映射喺其中，显得无所遁形。
林化文：你返去先喇，今日嘅事，就当咩都冇发生过。
应时：（看着他眼睛）你得唔到佢，我亦都得唔到佢。我唔想再对佢念念不忘。林化文，你真系好似佢。
/林化文沉默凝视她，应时的眼神依然很坦然。/
林化文：（OS）荒唐，却合乎情理。我同佢，喺埋一齐。
02
BGM2 髙見優 沢田完 - Memories + 髙見優 沢田完 - 心のままに（合成）
应时：（混响）呢条系我屋企锁匙。你屋企锁匙都畀番条我，噉样我出入都方便啲。
林化文：（OS）相处都唔系好难啫，都几开心呀。
应时：（混响）林化文，你 炒餸（炒菜）放少啲辣椒喇，我呢排咧，个喉咙唔系几掂。我同你买咗灯影牛肉，麻辣味嚟㗎 ，你 口痕（嘴馋）嘅话就食啲喇。
林化文：（OS）有时，我恍惚觉得，我系咪拍紧拖，除咗附喺我同佢身上嘅，仲有另外两个人嘅影。
应时：我琴日朝早出门嗰时，撞见咗嗰个女仔。
林化文：（顿）系咩？
应时：佢就噉望住我，搞到我想行过去同佢打声招呼，结果佢又扮唔识我拧转头周围望。唔系见到佢对眼红晒，我简直以为我睇错咗，其实佢只系 发紧 吽<ngau6> 哣<dau6>（发呆） 。
林化文：佢冇咩恶意㗎。
应时：我知。我只系……嗰一刹那，好想同佢倾下。
林化文：倾咩呀？
应时：冇谂咁多啦，只不过劝佢放弃，揾下一个更好喇。（感叹）就算系啱嘅人，出现喺错嘅时间，都注定（整定）系个悲剧。
林化文：系呀，就算系啱嘅人，都要应时出现先至得。
应时：（一愣）
林化文：你嘅名，寓意真系好。
应时：（不自在）多谢。
林化文：做咩呀？
应时：……佢喊得几惨㗎，虽然冇出到声。
林化文：（轻叹）佢迟早会放低嘅，人都系会成长㗎嘛。
应时：嗯。
林化文：你咧？系咪放低晒？
应时：……噉点解你唔可以同佢喺埋一齐？嗱，冇攞师生嘅身份做借口，佢毕咗业㗎。
林化文：（无奈）哎，名义上，我系你嘅男朋友。
应时：（看着他）
林化文：（望向远处）我有钟意过佢，又唔系非佢不可，佢仲咁细，我伤害咗佢点算。
应时：呵，你地啲男人讲嘢都一样。（想到他，低声）义正言辞嘅话系为咗我哋好，之但系将我哋嘅正当追求当成细路仔嘅无理取闹。（自语）讲到尾，即系唔信我系认真。
林化文：……或者系喇。
应时：（向后靠在沙发上，轻声）你可唔可以……嗌我一声小时呀？
林化文：（OS）她靠喺梳发度，微微抬起头， 瞇<mei1>埋眼（眯着眼），好似入咗梦境噉。我照佢话，细细声嗌咗佢嘅名。
林化文：小时。……对自己好啲。
林化文：（OS）佢唔出声，只系拧转头，个后枕<zam2> （后脑勺）对住我，佢系噉递高只手抹咗啲嘢，又放低。
应时：（哑声）你呢个礼拜日下昼得唔得闲？
林化文：得闲，咩事呀。
应时：噉不如我哋去城东公园散下心。
林化文：做咩想去嗰度。
应时：去唔去？
林化文：你想去嘅话，我就陪住你。
应时：（顿·笑笑，低声）你真系……口甜舌滑。
03
BGM3 髙見優 沢田完 - Eternaly（剪辑）
林化文：（OS）八月嘅雨 嚟得快去得又快。礼拜日下昼准备出发时落咗大雨，佢依然坚持要去，讲起嚟都系天公作美，抵达嗰时，啲雨咁啱停咗。雨后嘅空气沁人心脾，草坪上面早已有啲附近居民喺度活动紧。
应时：我第一次同佢表白，就系喺呢度。高考完嘅第二日，嗰日嘅天气好好，我同佢打紧电话，企喺草坪上，个天干净到我想飞起身。我望住远处山湖交映，脱口而出嘅说话就系“我钟意你”。
林化文：噉佢咧，点讲呀？
应时：佢打咗个突，好快就笑住话，就算我毕咗业，我永远都系佢嘅学生。
林化文：佢拒绝咗。
应时：宜家谂返转头 ，都啱嘅。但系嗰时，佢冇讲出嗰句“我哋冇可能”，等我 一头舂< zung1>（栽下去） 落去 ，执念更深，直到宜家。呢点，你比佢做得好，嗰个女仔亦都比我够运。
林化文：……多谢。
应时：我有啲 攰<gui6 >（累）。
林化文：想放低佢？
应时：嗯。
林化文：你一定得嘅。
应时：（下定决心，看向他）揽住我，宜家。
林化文：（OS）我轻轻噉揽住她，拍下佢嘅背脊，作为鼓励。但系佢用力噉揽住我，个头埋喺我条颈度。佢个嘴 喐<juk1>（动）咗下，我感觉到温热嘅气息，好似轻微嘅电流传遍全身。
应时：（低声）揽实我。
林化文：（OS）当我仲惊讶佢嘅行为 ，就喺抬头望向远方嗰时，我终于明白咗——一个气质温和嘅成熟男人就企喺小路转角度，着住件睡衫，同公园散步嘅居民冇咩唔同。应时讲得冇错，我同佢确实系好似。佢幽深嘅眼神，见到我望过去，佢只系 岌<ngap6> 咗下头 （颔首），就转身走咗。
应时：（埋首，久久未动）
林化文：（拍拍她）佢走咗。
应时：（闷声）嗯。
林化文：佢钟意你。如果佢只系将你当系学生嘅话，就唔会系嗰种眼神。
应时：（颤抖）我知。
林化文：但系佢已经唔钟意你。
应时：（低笑，似哭）我知。
04
BGM4 髙見優 沢田完 - Hold On Me
林化文：（OS）喺返屋企嘅路上，佢买咗支酒。佢酒量好差，平时好少饮酒，可能系今日嘅（情绪起伏太大）心情唔好，我肯定要陪住佢喇。
应时：（醉意）再来，庆祝我同佢脱离苦海。
林化文：（微醺）够喇，冇再饮喇。
应时：放心喎，我饮多咗唔会呕亦都唔会发癫，唔会整到你间屋笠笠乱。
林化文：（哭笑不得）我唔担心紧呢个。
应时：呵呵……有乜所谓啫，反正已经饮咗咁多嘞。
林化文：既然自己都知道，就唔好再饮喇。
应时：你点解唔饮酒呀？
林化文：我喺度饮紧。
应时：唔系讲今日呀。
林化文：（好笑）你系话，我同嗰个女仔？
应时：嗯。
林化文：（咂一口）有咩好饮啫，又唔系失恋。
应时：你唔够钟意佢啫。
林化文：太钟意就麻烦嘞（钟意得滞就麻烦嘞）。
应时：做咩呀，好钟意嘅话，系咪会同佢喺埋一齐？
林化文：（笑一声）唔会，只会唔舍得放手。
应时：噉点解唔喺埋一齐呀？
林化文：同一个啱啱成年嘅女仔喺埋一齐？系唔可能嘅事。
应时：啫系咩意思。
林化文：佢比我细……至少都有八岁，佢宜家高三，啱啱大学。佢见到嘅人太少嘞，先至会以为我系嗰个唯一。佢咁后生，仲有大把时间嘥< saai3 >（浪费）。而我唔得。
应时：噉我哩种咧，只要钟意一个人，就好多年都唔会变。
林化文：六年，确实系好少见，但系你都已经决定咗放低。
应时：……
林化文：（喝一口）都就嚟三张嘅人喇，何必仲相信爱情，伤人伤己。
应时：（拍桌起身）自私！你哋就系惊受伤！成只鹌鹑噉，收皮啦！
林化文：有边个唔自私呀，边个唔惊受伤？
应时：噉你哋直接讲咪得咯，唔好耽误我哋嘛，咪以为自己 谰<laan2> 高尚（伟大），成日话咩“怕伤害我”，讲得咁好听！我努力成长，努力证明畀你睇，你伤唔到我，结果都系一场空！呵，你点解唔直接话畀我知，你就系惊自己受伤！你点解唔畀我离开！（揪他领口）你就系自私！
林化文：应时，仲认唔认得我系边个？
应时：老师，你好自私。（掉眼泪）我咁钟意你……你点舍得……
林化文：（扶她肩膀）应时！我系林化文。
应时：（喃喃）……林化文。
林化文：你醉咗，我扶你返去。
应时：（低声）林化文。
林化文：嗯，系我。
应时：你比佢真系好太多太多。
林化文：嗯，我比佢好。
应时：你拒绝得好彻底，你冇畀到嗰啲女仔任何希望。
林化文：嗯，我确实系尽咗力。
应时：噉你钟唔钟意我？
林化文：你做咩……
应时：算喇，唔紧要。（亲）
林化文：唔……（被亲）应时……你睇真啲，我系林化文。
应时：（喃喃）林化文。
林化文：你谂好咗未，你知唔知你喺度做紧乜嘢？
应时：……我知。
林化文：（看着她）嗱，系你话 㗎。（亲）
应时：（呢喃）林老师。
/cv自己看着办吧/
林化文：嗌我嘅名。
应时：林化文。
林化文：（OS）荒唐，却合乎情理。我同佢，喺埋一齐。
05
BGM5 合成
林化文：（OS）醒番嘅时候，佢唔喺我身边。我畀佢嘅嗰条锁匙，就放喺我嘅床头度，事务贴上边系佢潦草又克制嘅笔迹。
应时：（混响）多谢你。
林化文：（OS）唔知点解，我嘅脑入边突然闪过佢讲过嘅嗰句说话——
应时：（混响）得到咗，就唔会再念念不忘。
林化文：（OS）我推开佢屋企度门，门边嘅旅行 箧<gip1>（旅行箱），唔见咗。
She said, "I'm sad,"/她说，难过
Somehow without any words/不以言喻
I just stood there/我在，原地
Searching for an answer/且猜且寻
——《Everything's Alright》Kan R. Gao & Laura Shigihara
/尾声/
/应时打开卧室门，看到林化文正坐在客厅沙发上/
（1:00渐入环境音+开门声）
林化文：（同时）你做咩宜家先至出来呀？
应时：（同时）你点会嚟我屋企㗎 ？
林化文：（轻叹）所以你晨早流流就拎住个 箧<gip1>（行李箱）想走路<lou2>（跑路）？都系成年人嘞，仲有咩唔好意思啫。
应时：（反应过来，脸红）唔系，呢件事我唔系唔好意思！
林化文：（好整以暇）嗯。
应时：（吞吞吐吐）我就系……觉得，都几对你唔住。毕竟……
林化文：噉我仲系唔系咪你男朋友先？
应时：呢个同系唔系男朋友冇关……
林化文：噉我系唔系啫？
应时：额，你觉得系……咪系咯。你觉得唔系，噉……
林化文：嗯，早晨，女朋友，返去食早餐喇。
应时：……啊？
林化文：傻更更企喺度做咩，食饭喇。
应时：（认真）林化文，就算我准备放低佢，都唔系咁快可以将佢彻底忘记。你真系唔介意？
林化文：（呼口气）点讲咧，呢啲嘢，可以慢慢嚟嘅。食饭先。（笑）反正，之后会越来越好个喇。
应时：（也呼口气）嗯。
林化文：（OS）荒唐，却合乎情理。我同咗佢，喺一齐。
一场道别与开始。
某种意义上，也算是岁月鸿沟的后续呢。
谢真和给的灵感，谢穹霄给的支持，谢多多帮忙做的海报。尤其感谢我鱼给的建议和评价，她真的好灵，我好爱她啊~
水雾真的很敏锐，尾声像彩蛋。两人真正的结局，应该是醒来后默契的离别吧。
安林
2021/12/26 凌晨
—— 更多 粤语本 推荐 ——
【粤语双普】
——1男1女——
现代淡本【383393】<车站 >9千字
现代纯爱淡本 【511559】<应是应时>3千字
现代爱情苦本【788431】< 再见莉莉安 > 6千字
现代友情淡本【819667】< 蒙面聊 >3千字
动漫欢脱本【897225】< 齐木楠雄的灾难>2千字
现代淡本【579895】<苏格拉底与失恋者的对话>2千字
—— 2男 or 2女——
现代耽美甜本【747905】< 过招> 4千字
现代友情淡本【598449】< 只有你知道 >2千字
现代友情淡本【542761】<一起活到八十岁>4千字
【粤语多人普】
——1男2女/2男1女——
现代苦本【198039】< 阳光之下罪恶生根 >6千字
现代欢脱本（无性别）【282023】<福禄荃寿 > 3千字
近代苦本【386364】< 杀手蝴蝶梦 >3千字
——2男2/3女——
现代苦本【471357】< 灵感 >9千字
近代淡本【831727】< 最好的时光第一集 >3千字
【粤语剧情歌】
现代欢脱本【251639】<杠精 >4千字
现代甜本【364251】< 肉麻无罪 >5千字
现代甜本【342737】< 肉麻无罪2 >5千字
微燃剧情歌【303705】< 飒 >3千字
现代欢脱本【923407】< 做个开心人>3千字
现代欢脱本（无性别）【282023】<福禄荃寿 > 3千字