PS：早年有个人跟我说，想把我《美人骨扇》拍成视频，还给我发演员照问人设注意啥的，煞有其事！说就是感觉本子短了，怕时长不够，问我能不能扩写点，嘤，我信了，然后写了个扩充版，然后……就没然后了，放了很久觉得可惜，正好以前版本的bgm不好卡，就重新做了一个扩充版美人骨扇的bgm，原配还是之前版本的。

---

《美人骨扇》国语原版ID：7141  妖奈奈「原创」

简介: 一把美人骨扇，两个倾城女子，最终，谁是谁的最完美。

=============================

《美人骨扇》

*编剧/后期：妖奈奈 *

 插图美工: 尛尛喵 

 授权粤语改编：柳如诗 

    粤语改编编剧：柳如诗 / 信如意【M-D中文配音社】

校对/润色/定稿：信如意【M-D中文配音社】

=============================

 【妖奈奈 2023.9.20 授权于 柳如诗 粤语改编 】

鸣谢干音献声

猫（匿名）【粤语港】编外成员 --- 仆从

GY【粤语港】编外成员 ---- 仆从（尤其感谢）

希望在明天---- 报幕

特别感谢：妖奈奈的信任和授权给我，我翻译完发布完后，还是觉得有不足，后面才找了信如意二次翻译润色完善共同喜欢的《美人骨扇》。

【特别声明】

粤语版《美人骨扇》仅限于戏鲸娱乐，未经原作者妖奈奈授权，禁止用于任何商业用途！禁止转载其它平台！

注：剧本为原创作品，未经允许，禁止转载，暂不开放广播剧授权，但现场pia戏录音随意，只要你们标上作者名（重点！），不用于商业用途（重点！），我就不管你们传哪儿去，也不用来问我。

【剧本人物分配：2男3女】

 所兼角色统一颜色，按颜色入词  

如深：女，生前本是个温柔可人的清倌，被人剥皮拆骨做成了一把骨扇，死后化为厉鬼，只为报仇。

沈如深：女，大家闺秀，聪明冷静，开始因同情如深的遭遇，后甘愿被她附身，助她报仇，对如深的感情很复杂，看大家理解，你可以认为是百合，也可以认为是觉得如深像她母亲，或者是复杂的同情加友情。

兰儿：女，胆小怕事的丫鬟，龙套，兼所有女龙套。

沈母：女，龙套，一个爱女儿的母亲，只在回忆中出现一次，病弱。

【男角色】

楚少衡：【兼路人1 / 路人4 /路人6 】

男，皇帝私生子，表面风度翩翩的世家公子，实际内心变态，平生酷爱美人，爱到心理扭曲，用最美的美人，做成最完美的骨扇，是他的毕生所求。

沈父：【兼路人2/ 纨绔公子 /属下 / 路人3 / 路人5 / 旁白/主持（配角，可兼所有男龙套】

深爱他的夫人，可他的夫人却是因他的女儿所死，所以他对女儿感情很复杂。

开本提示：生僻粤字 < 粤拼 同音字> [ 释义 ] 

【美人骨扇BGM1】

（大街上，人们看着那蒙着面纱，半遮半掩的女子，一路议论纷纷）

路人1:【男主兼】见到未，见到未，沈家小姐出嚟喇。

路人2:【沈父兼】沈家小姐？边个沈家小姐呀？

路人1: 仲有边个沈家小姐呀，（唏嘘）咪就系先几日江老员外遣媒婆去提亲嗰个咧？记唔记得阿？

路人2：（倒抽一口气）你系话？

（一纨绔公子骑着马快速奔来，几个仆从在开路，遣散周围人群）

【0:27音效】仆从1:行开行开！睇唔到我哋少爷嚟紧？全 部 躝 开！

【音效】仆从2：（推开一些人）讲紧你哋吖，冚唪唥躝开！！—— CV：猫（匿名）

（周围人群一阵兵荒马乱躲避，人撞人）

兰儿：（差点被撞倒）啊！小姐！你地撞亲我家小姐呀！

沈如深:（被人群推搡）兰儿！

兰儿:（人群将两人挤开，着急）小姐！诶，唔该借下，我要搵我哋小姐呃！

（纨绔公子骑马奔近，沈如深被惊慌的人群推挤摔到了路中央）

兰儿:（看到这一幕，大喊）小姐！！

场景：沈如深（眼看马临近，吓得闭上眼睛，因之前推挤，早已松松垮垮的面纱，被劲风刮落，露出一张美丽的面孔，旁边客栈二楼的窗口处射来一支飞镖，马中镖，往地上倒去）

纨绔公子:（沈父兼，摔下，怒）大胆！系咩人暗算本少爷？

（周围人议论纷纷，没人站出来）

【音效】仆从们:（赶紧过来扶起他）少爷，你有冇事吖？丨 唉哟，少爷，你有冇跌亲吖。—— CV：GY（匿名）【粤语港】编外成员

兰儿:（同时赶紧跑过来扶起沈如深）小姐，你冇事呀嘛，头先吓死兰儿喇。

沈如深:（膝盖流血了，忍疼，摇头，轻声）我冇事。

纨绔公子:（正想发火，突然被声音吸引，看见没有面纱的沈如深，面露惊艳）呢位姑娘，你冇事嘛？

【1:10音效】仆从1:少爷，你……

纨绔公子:（打断）我咩我？冇见到呢位姑娘跌亲咩？仲唔快啲攞膏药嚟，不知姑娘芳名，家住何处，在下……     

沈如深:（淡淡一笑，打断）沈如深。

【音乐起】

（听见这名字，张大嘴巴突然卡壳）

纨绔公子：呃~~，我突然醒起……仲有要事要办，就唔打搅沈小姐嘞（1:37落荒而逃）

【音效】仆从2:（疑惑）少爷，我哋就噉走喇？嗰个系少见嘅绝色美人㖞，你以前唔系最……

纨绔公子:（一脚踢过去，破口大骂）呸，劏猪凳我都敢惹咩？我寿星公吊颈—嫌命长啊~~ 噉你都唔明？ 

【音效】仆从2:（被打懵了）唔明……（猛地反应过来）额唔系，明，小人明白

纨绔公子：明就快D栏（一声调）过嚟扶住本少爷啦，正一狗奴才！（声音逐渐淡去）

（画面转到旁边客栈的二楼，一屏风前）

【2:15音乐停入】

下属: 【沈父兼】公子，佢已经走咗啦。

（屏风后，男子微微低头浅笑，看不清正脸）

楚少衡:（喝茶，慢条斯理）好耐都冇返过东郡城，宜家越嚟越有意思喇。

下属:（不敢多话）……

楚少衡: 去查下嗰名女子。

下属： 系（2:36离去）

（抬头，指尖摩挲着杯沿）

楚少衡：（露出正脸微笑）自古凡人爱绝色，（回想那女子面纱掉落的瞬间，笑意加深）窈窕淑女，君子好逑。

【音效】敬请欣赏，妖奈奈原创古风灵异广播剧《美人骨扇》，全一期 

 ---CV 希望在明天  

【街道声入】

（兰儿扶着沈如深一路回府，路人指指点点）

路人3:【沈父兼】就系佢喇，原来佢就系沈家小姐。

路人4:【男主兼】系呀，唉！真系可惜。

路人5: 哇！个姑娘睇落仲靓过西施啊 ！嗰二世祖居然就噉放过佢㖞，真系太阳喺西边出来喇。

路人1: 佢边够胆去惹嗰劏猪凳呀。

路人5:（好奇）点解噉讲啊？

路人1:（上下打量他）你真唔知定假唔知呀？

路人5：咩呀？

路人6：哎呀！我话你知喇，呢个沈家小姐啊，佢无你想象咁……【逐渐淡去】

【手动点音乐停，不要音乐】

（画面一转）

（沈府，沈如深闺房内）

兰儿:（给沈如深上膝盖的药）小姐，系咪好痛呀？

沈如深:（摇头）冇事。

兰儿: 讲起嗰班臭男人真系乞人憎，个个都贪图小姐嘅美色，又怕死，真系冇鬼用！

沈如深:（无奈轻笑）说话又唔可以噉讲嘅。

兰儿:噉系亚嘛，小姐你冇见到嗰啲人嘅眼神咋~~又咸湿又怕死，小姐你咁好，佢哋凭咩噉样对你！仲话……话……

沈如深:话咩？克夫？

兰儿: 小姐……

沈如深: 由得佢地喇，反正我都唔想嫁人，落得清闲自在唔好咩。

兰儿：但系……

沈如深:（微笑打断）好喇，我膝头哥仲痛紧，快啲同我上药啦？

兰儿: 啊，对唔住呀小姐，兰儿争啲唔记得添。

沈如深：（怔怔望着膝盖发呆，不知在想什么）

【美人骨扇BGM2】

旁白：传说，沈家有女，名 如深，其容貌艳丽堪比牡丹，身姿飘逸犹如柳絮，上门求娶嘅公子哥儿不计其数，然而，无一人可以活过三日。

（转场）

下属：【沈父兼】公子，查到嘞。

楚少衡:（作画，画之前看见的沈如深，头也不回）嗯？

下属:（凑上前，耳语）

楚少衡:（手一顿）你话佢叫咩名？

下属：沈如深

楚少衡:（0:48墨水滴落到纸张上，晕染开来）如深……姓沈

旁白：当男子讲出如深两个字嘅时候，台上嗰副画突然跌落地下，冇人发现幅画既黑色墨汁慢慢变成红色。

楚少衡:（拿帕子擦过手，随意）将呢幅画  揼< dam2> [ 扔 ]  咗佢。

下属: 系。（1:19也没看画，直接一卷拿出去了）

【音乐停入】

楚少衡:（拿出一把骨扇，抚摸）如深……又会咁啱嘅，有趣，有趣。

【音乐起】

旁白：夜深，云淡，风起。喺无人嘅角落头  ，个副被丢弃既画像又自动摊开，画上面嘅沈如深就唔知点解，变成咗另一块面。嗰块面同样咁绝色，但系画中人对眼下面就染上左红色嘅血泪。

以下红色如深女鬼状态字体全部混响

如深:（幽幽）如深……另一个如深……

【听会音乐】

【剥皮割肉，梦境混响，如深直接入】

楚少衡：（痴迷）好美既玉骨冰肌，深儿，我最完美嘅作品！玲珑骰子安红豆，入骨相思知不知……

如深：（惨叫，痛苦，滔天恨意）啊！楚少衡！今日剥皮拆骨之痛，如深，愿永世不得超生，来世化为厉鬼，纠缠你生生世世！

楚少衡：（诡异的深情）深儿，你避唔开我嘅，你系我最完美嘅……美人骨扇。

【3:16突然的恐怖音效】

沈如深：（梦醒，尖叫，流冷汗，大口喘气）啊！

兰儿：（焦急走来）小姐，咩事呀？

沈如深：（惊魂未定）冇事，兰儿， 斟 [ 倒 ]  杯水畀我。

兰儿：系，小姐

【兰儿走过去倒水】

兰儿:（递过水）小姐

沈如深：（大口喝水后，微颤）兰儿，你信唔信……鬼神呀？

兰儿：（受惊）啊！小姐，夜妈妈，你……你冇吓兰儿呀，你知兰儿最惊听到呢啲嘢 。

沈如深：（深呼吸）冇事，我求先发咗个噩梦，今晚唔使你守夜嘞，你早啲休息喇。

兰儿：（松口气）系，小姐，兰儿告退【兰儿离开】

沈如深：（内心）唔通……真系梦嚟嘅？个样好朦胧，亦都名叫如深嘅女子，仲有……

…………第二日分割线…………

（沈如深穿过院子，去给沈父请安，还未进门，听见正厅传来说话声）

【4:49鸟叫声】

楚少衡：（正厅传来）噉 就多谢沈伯父。

沈父：诶，讲咩多唔多谢呀，楚贤侄一表人才，又文武双全，反而系我沈家高攀咗，何来多谢二字咧。

【音乐起】

沈如深：（走近，行礼）女儿拜见爹爹，唔知爹爹今朝……

沈父：（打断）深儿嚟咗喇，来， 见过你楚大哥，唔啱，宜家佢系你未来夫君啦。

沈如深：（愣住）夫君？

楚少衡：（含笑，有礼）在下楚少衡，真系闻名不如见面，沈小姐果然比传闻中更令人着迷啊。

沈如深：（内心）呢个男子咁轻浮嘅？楚少衡……个名咁熟嘅（抬头，震住）啊！点会系佢？嗰个梦入边嘅恐怖男人？

沈父：（不悦）深儿，仲企喺度做咩？仲唔快啲见过你楚大哥。

沈如深：（回神，行礼）深儿见过楚大哥。

楚少衡：（神色难测的望着她一会儿，压抑某种兴奋，转身对沈父）今日嘅事，贤侄会向嗰位禀明，请沈伯父放心，眼下贤侄有要事在身，先行拜别。

沈父：噉有劳贤侄，诶，唔系，应该系，贤婿呀，哈哈哈……深儿，去送下你楚大哥。

楚少衡：（有礼，含笑）泰山大人严重嘞，有劳二字少衡不敢当，泰山大人，深儿，就此留步，少衡告辞。（最后望了一眼沈如深，有礼离去）

【美人骨扇BGM3】

【脚步声离去后】

【望着他背影远去，直至看不见】

沈如深：爹爹，究竟咩回事？嗰位楚公子……系嚟提亲嘅？

沈父：（兴奋）深儿，你有所不知，嗰楚公子唔系一般人，如果攀上呢门亲事咧，咁我哋沈家就系……（突然环顾四周，悄声）皇亲国戚啦。

沈如深：（心里一震，垂眸）喺爹爹嘅心入边，深儿系咩？

沈父：当然系为父嘅乖女。

沈如深：（自嘲，轻声）呵，系送礼首选 啩！

沈父：你……

沈如深：（打断，平静）爹爹得闲不妨 谂 [ 想 ] 下往日向女儿提亲嘅人，如果爹爹想要落得个谋害皇家子弟嘅罪名，就即管将女儿嫁畀楚公子，话已至此，望爹爹权衡再三，女儿先行告退。

【沈如深远去】

沈父：你……你同我返来！你……（突然一拍桌子）唉！同佢死鬼娘亲一样咁硬颈，点极都唔化。 

（以下沈如深梦境混响。如深和男主不用混响，）

（身处一片白茫茫的雾气中）

沈如深：我喺边度？我点会……（突然看见前方有一个人，正想冲过去，听见他们说话内容，突然止步）

楚少衡：（温柔，压抑）深儿，终于等到今日，（亲吻耳垂）可以得偿所愿拥伊人入怀，深儿，你开唔开心？

如深：（娇羞，甜蜜）可以嫁畀夫君，系深儿今生最开心嘅事。

楚少衡：噉，深儿都想同我永远喺埋一齐，对吗。

如深：自然，唯愿与君到白头。

楚少衡：（吻上，诡异的深情）我嘅深儿，唔会白头，你永远都系咁完美，纯洁无瑕，无可挑剔。

沈如深：深儿……系嗰日梦入边嘅两个人？我而家……系咪发紧梦？唔系，佢唔系被……（想到之前的那个梦境）

沈如深：（去掉混响，躺在床上，在睡梦中，呓语）唔好信佢……千祈唔好信佢……

兰儿：（在守夜，打了个哈欠）小姐，你喺度讲乜啊，系咪又发梦啊？

沈如深：（混响，大喊）佢喺度呃你啊 ！你冇信佢呀。（发现他们根本听不见她说话，也看不见她）

（画面又是一转，到楚少衡的房间正厅）

如深：（记住不用混响。欢喜迎接进门的楚少衡）夫君，你返嚟啦，我哋一齐用膳喇。

楚少衡：（记住不用混响。阴沉，看着她被烫红起泡的手）你只手做乜嘢？

如深：啊？哦，今日唔小心被茶水 渌 [ 烫 ] 亲 啫，唔紧要㗎，夫君……

楚少衡：（打断）嚟人，将今日伺候主子嘅丫鬟拖出去斩咗佢对手！连主子都照顾唔好嘅丫鬟，要来何用？

沈如深：（混响，大喊）停手！停手呀！啊~~（发现自己从他们身体里穿了过去）

【一个丫鬟被拖出去】

丫鬟：（兰儿兼，不用混响，被拖出去）啊！求主子开恩！饶咗奴婢呢一次，求主子开恩！

如深：（被吓到，想劝解）夫君，佢……

楚少衡：（打断）深儿，你又唔记得咗我讲过嘅说话，你系最完美嘅，完美，就唔可以有一丝瑕疵，明唔明呀？

如深：（微颤抖，嗫嗫）我……

楚少衡：（将她拥进怀中，温柔）好喇，我唔想你整亲呀嘛，你整亲我就会好紧张，乖，唔好有下次，好无？

如深：（小声）……嗯

【美人骨扇BGM4】

【转场】

如深：（阴冷）佢好温柔，系咪？

旁白：沈如深只系觉得眼前嘅画面突然一阵扭曲，化为一缕（吕 音)幽蓝色嘅火焰，同时，一个身着白衫，五官精致，又苍白得可怕嘅女子出现喺佢身边，明显就系头先嗰个亦都叫如深嘅女子。

沈如深：（强忍惊惧）你……你系边个？

如深：（僵硬的扯开一抹微笑）如深

沈如深：（半晌）唔想笑，就冇笑喇。

如深：唔好意思，太耐冇笑过，唔记得点样笑嘞。

沈如深：（干涩）你……系咪鬼嚟 㗎 ？

如深：（机械的转头看着她，半晌）系

沈如深：（深呼吸）你喺我嘅梦入边？

如深：嗯

沈如深：如果我冇估错嘅话，你系咪想报仇？

如深：（僵硬，空洞）我好痛……全身上下……都好痛，佢呃我……佢从嚟都唔爱我（想做出痛苦的样子，可是已经牵扯不动脸上肌肉，表情诡异可怖）佢只系爱佢嘅美人骨扇，最美嘅骨，最美嘅皮，最动人嘅美人骨扇……

沈如深：（忍不住退后一步）你……点解要搵我？

如深：因为你有绝世容颜，比当初既我仲要美，而且……（微扯唇一笑）你都叫如深。

沈如深：佢，咩身份？（顿）嗰个男人

如深：（冷哼一声）私生子，当今皇帝嘅私生子。

沈如深：噉你点解唔搵佢报仇？我只系一个弱女子，就算我想帮你，都有心无力。

如深：（阴森，憎恨）人人都怕妖魔鬼怪，谁不知，比起嗰啲，人心先系最可怕。楚少衡，一个唔知比妖魔鬼怪可怕几多倍嘅男人，你知唔知佢杀过几多人，做过几多把美人骨扇呀 ？用美人嘅皮同骨，做成嘅美人骨扇~~~~好痛，佢剥咗我嘅面皮，喺上面作画，佢话，深儿，你系我最完美嘅作品（嘶吼，狰狞）我话我做鬼都唔会放过佢！但系冇用，冇用！我根本就接近唔到佢！咁恐怖既衰人，就连我呢只厉鬼都接近唔到，报唔到仇我做鬼又有咩用呀 ！？（流下血泪）

沈如深：（独白）我望住佢，呢个昔日本该系倾国倾城嘅女子，讲到楚少衡嘅时候，苍白嘅面皮，一块块脱落，变得血肉模糊，露出森森白骨，同嗰晚，我见到佢被剥皮拆骨嘅梦境开始重合，本应系个可怕嘅场景，但系听到佢嘶哑难听嘅喊声，见到佢空洞嘅眼眶入边流出一滴滴鲜红嘅血泪，唔知点解我觉得好心酸，或者，系因为我同情佢，而佢咁啱，个名同我一样，如深。

沈如深：（开口）我帮你。

如深：（愣住）你系话？

沈如深：我话，我帮你，宜家我应该点做？

如深：（哭泣）多谢你……多谢你……

 美人骨扇BGM5 

【湖中游船】

楚少衡：本以为今日约深儿出嚟游湖嘅心愿要落空，估唔到深儿你真系嚟咗。

沈如深：（淡然）楚大哥相约，深儿点可以唔来呀？

楚少衡：楚某系唔系有咩令深儿唔开心？

沈如深：何出此言？

楚少衡：（略委屈）噉深儿见到我，为何如此冷淡？

沈如深：楚大哥多虑啦，男女有别，深儿若然对住楚大哥笑脸相迎嘅话，唔系成咗个卖笑嘅。

兰儿：（失笑出声）噗……

兰儿：（反应过来，惊慌）啊，小姐，楚公子，对唔住，奴婢唔系有心㗎 。

楚少衡：（阴沉了一瞬，微笑）嗯……深儿讲得啱，系我考虑不周。

沈如深：楚大哥腰间嘅呢把扇，好生精致，可否借畀深儿一睇。

楚少衡：当然可以，深儿想要嘅话，冇话一把扇，就算系摞我条命，我都心甘命抵。

沈如深：（接过，内心）美人骨扇……系咪呢把？

【1:24转场】

回忆，混响

沈如深：我话，我帮你，我应该点做？

如深：（哭泣）多谢你……多谢你。

沈如深：冇喊嘞，你讲，我需要做咩？

如深：楚少衡系个爱美成狂嘅人，而佢眼中嘅美，系最绝色嘅人皮同人骨，噉样制成嘅美人骨扇，佢最中意，为咗制成绝美嘅美人骨扇，佢搜集天下美人，每日要佢哋用最上等既膳食，着最柔滑嘅衣裙，一切衣食用度，都要最好，全身心宠佢哋，然之后，喺佢哋最美 嗰（“果”音）一刹那，将之剥皮，拆骨，做成佢最爱嘅美人骨扇，而我，喺你之前，系佢最完美嘅作品。

沈如深：所以佢向我爹提亲？唔系，噉之前向我提亲嘅，无一活过三日，佢如果嚟嘅话，正正系三日后……

如深：冇用㗎 ，你系阴年阴月阴日阴时出世，天生克夫，所以之前向你提亲嘅男人，都活唔过三日，但系楚少衡杀过嘅人不计其数，戾气冲天，你嘅阴气，根本奈何唔到佢。

沈如深：噉我应该点帮你？

如深：佢随身携带嘅美人骨扇系用我嘅身体嚟做 㗎 ，呢把扇戾气冲天，鬼魂根本近唔到佢身，你想办法挪咗把骨扇，以毒攻毒，以恶制恶。

沈如深：然后呢？

如深：嗰把骨扇系我嘅本体，本身重创唔到人，而一但我附喺骨扇上便，怨气就会成倍嘅增加，然之后，你就亲手用呢把骨扇，  㓤<gat1>（刺）入佢嘅身体，就算系大罗神仙来咗，都救唔番佢！如此，妹妹你怕唔怕？

沈如深：（深呼吸）杀一个十恶不赦嘅坏人，有咩好惊？（想到什么，忽然开口）噉佢死咗之后，你咧？你会点样？

如深：我（冷哼）……大仇得报之后，我自会投胎转世，嚟报你嘅恩情。

回忆结束

【美人骨扇BGM6】

【回到游湖场景】

（兰儿看着那扇子，突然，扇子上的红衣美人眼睛眨了一下）

兰儿：（突然大叫）啊！鬼啊！

沈如深：（身体一抖，呵斥）兰儿，你喺度  乱噏（胡说）啲咩！

兰儿：（哭腔，颤抖）小……小姐，我喺把扇上边，见到……见到一张人面。

沈如深：米乱讲野！青天白日，把扇点会出现人面！

楚少衡：兰儿姑娘头先系咪眼花呢，呢把扇上边就得楚某一时兴起做嘅一副美人图  。

兰儿：（害怕，颤抖）但系头先，我明明睇到佢同我 䁪眼（眨眼）㗎 ，小姐，兰儿冇讲大话……

沈如深：好喇，我谂肯定系楚大哥嘅画技太逼真，先至令我嘅丫鬟产生幻觉，要楚大哥见笑嘞。

楚少衡：系我吓亲兰儿姑娘先，睇嚟以后唔可以再作美人图，不过都好，毕竟最绝色嘅美人，就系楚某眼前。

沈如深：（故作欣赏）上面嘅美人图，真系栩栩如生，咁啱深儿呢几日苦练丹青之术，不得要领，唔知楚大哥呢把扇，可否借深儿临摹一番咧？

【发现音乐没了就赶紧手动点暂停】

楚少衡：（半晌，风度翩翩的微笑）呵，一把扇啫，讲咩借唔借呀，方才我就话，深儿想要嘅，冇话一把扇，就算我条命都可以攞去。

沈如深：（低头故作娇羞）多谢楚大哥，我睇天色都唔早嘅嘞，深儿就返去先嘞。

楚少衡：（温柔）好，第日我再嚟探你（扬声）来人，备轿，送沈小姐回府。

【美人骨扇BGM7】

【回府后，沈如深闺房内，到了晚上】

沈如深：呢个系咪你要 嘅 嗰 把 ？

如深：（出现）：唔系，呢把唔系用人皮同埋人骨做嘅，不过……

沈如深：嗯？

如深：虽然唔系人皮骨扇，但系呢把扇上边嘅红衣美人图，颜料系用鲜血做嘅（歪头，阴森）唔怪得有怨气。

沈如深：你系话？唔通兰儿今日见到嘅唔系幻觉？

如深：（憎恨）有怨气噉又点，佢宜家既道行，只能迷惑一啲胆小之人，对于楚少衡呢种大恶人，佢都只有退避三舍。

沈如深：我爹已经应承咗楚少衡嘅提亲，再过一排，我就会嫁过去，到时，我会谂办法攞到你嘅美人骨扇 。

如深：（转头看着她，半晌）你……

沈如深：我不单止系为咗帮你，更加系为咗帮我自己，（坐下，看向铜镜中的自己）我呢副皮相，称得上绝色咩？

如深：嗯

沈如深：以我嘅容貌，你话，佢系咪真系会将我做成美人骨扇。

如深：（没说话）……

沈如深：父母之命，媒妁之言，我嘅婚姻，本嚟就唔由得我自己作主，横掂都要嫁畀佢，何解唔帮你一把，亦都可以为自己谋得一线生机。

如深：你可以叫你爹爹……

沈如深：（打断）佢唔会听我讲 （梳发，看着镜子中背后的如深突然走近，接过了她手上的木梳）

如深:（不再说话，默默为她梳头，半晌）佢以前对我好好，每日都噉样帮我梳头。

沈如深：楚少衡？

如深:嗯（目光逐渐失去焦距）以前，我仲未嫁畀佢嗰时，系一个青楼姑娘，卖艺唔卖身，自以为睇化咗世间嘅男子，所以好清高，对所有男人嗤之以鼻（自嘲），之但系，清倌再清高，都只系一个妓女，妓女仲有咩权利清高呀？

  美人骨扇BGM8  

【时光倒流，不用混响】

老鸨：【兰儿兼】（意有所指）哎哟，各位大爷今日有福啦，我地如深姑娘最近作咗一首新曲，睇下边个可以饮到头啖汤，听到如深姑娘嘅首发饮歌。

嫖客1:【男主兼】哟，乜如深姑娘平时都会接客嘅咩。

嫖客2:【沈父兼】系呀，大爷我使咗二百两，而家连如深姑娘嘅手仔呀都未摸过。

老鸨: 哎哟，睇下两位客官呢铺话法，如果两位客官……（搓搓手指）咳咳，出手大方嘅话，接唔接客就唔由得佢啦。

嫖客1:（兴致勃勃）包括呢位如深姑娘？

老鸨: 楼里边嘅姑娘都系靠几位大爷支持嘅，如深就不在话下啦，只要客官……（意味深长，捂嘴笑）呵呵……

嫖客2:（赶紧）我出三百两！

嫖客1: 我出五百两！

嫖客3: 【沈父分裂】八百两！

（众人争相出价，老鸨笑得合不拢嘴，突然，一道声音传来）

楚少衡:一千两！（勾唇）黄金

（众人倒抽一口气）

老鸨:（怕他反悔，赶紧接口）一千两黄金，今日嘅如深姑娘就归呢位公子喇！公子，呢边请~

（老鸨将楚少衡带到如深闺房）

【美人骨扇BGM9】

【脚步声停】

老鸨:公子，就喺呢度喇。

楚少衡:（掏出一张银票）噉有劳妈妈喇。

老鸨:（接过，兴奋，笑得合不拢嘴）应该嘅应该嘅，（朝屋子里喊一声）如深，好好照顾呢位公子啊，（看向楚少衡，讨好笑）公子直接入去就得㗎喇，噉我就唔阻公子喇。

楚少衡:（晗首，看着她走远，推门进去）

如深:（在珠帘后弹琴，也不招呼人）

（楚少衡自顾自坐下，倒茶）

【放杯子声入】

如深：公子不妨听一曲先，再喝茶。

楚少衡:（1:03等扇子声入）果然好曲，配合呢间屋入边嘅熏香，令人心旷神怡。

如深:（淡淡）好喺边度？

楚少衡: 令人感同身受。

【音乐停】

如深:（手一顿）感同身受？

楚少衡: 系啊~以如深姑娘嘅才情，流落风尘，真系好可惜。

如深：（淡淡）: 若然我唔喺风尘，或者公子亦都见唔到我。

楚少衡: 噉就未必。

如深:（终于抬头）嗯？

【音乐起】

楚少衡: 话说有缘千里来相会，我之前都未嚟过呢度，我第一次来到此地，就见到佢哋口中千金难求嘅如深姑娘，咪就系有缘咯？

如深: 噉系因为你腰缠万贯，出得起呢个价钱啫。

楚少衡:（一笑）听讲如深姑娘为人清高，今日一见……..（不说话了）

如深: 今日一见如何？系咪觉得我不过系个青楼女子，满身铜臭味。

楚少衡: 唔系（2:27起身撩开珠帘）今日一见，方知姑娘清高远胜传闻。

【2:38转场】

如深: 佢笑得好温柔，我第一次见到佢，一个全身都充满自信嘅男人，好似天下事都尽收眼中。我嗰时喺房点咗香，对于静静听曲嘅人唔会有任何影响，一旦嗰个人剧烈运动，香气会令人成身无力。

沈如深:你……

如深: 为咗保住清白，我一心学艺，靠才艺谋生，唔至于落得同其她姑娘一样，出卖身子。估唔到，最后我都系被妈妈出卖，所谓嘅听曲，只不过系呃人嘅……（没说出口，自嘲一笑）呵……

沈如深: 后来楚少衡发现啲香有问题？ 

如深: 嗯，仲有茶水，我喺茶水入边落咗嘢。

沈如深: 就算逃得过嗰晚，噉以后咧？以后又点算？若然嗰个妈妈真心要你接客，你走唔甩㗎 。

如深:我知，所以啲茶水系畀我自己饮嘅。

沈如深:（一愣）……

如深:（眉眼变得温柔）佢了解我，所以佢话我清高远胜传闻，佢系第一个咁了解我嘅人。

沈如深:（看着她）如深……你嘅样……

如深: 做咩？

沈如深: 你……（陈述）仲爱佢。

如深:（愣住，木梳掉落）

【音乐起】

沈如深: 跟住落嚟嘅事，我谂我已经预咗，（捡起木梳）你被佢温柔打动咗，然之后，佢为你赎身，同你成亲，系咪？

如深:……系 。

沈如深: 我阿娘话过，当一个女子爱一个人嘅时候，就系佢最傻嘅时候，我之前就冇爱过人。

如深: 我真系羡慕你。

沈如深: 听完你嘅故事，想唔想听下我嘅故事呀 ？

如深：……嗯

沈如深：鬼都会眼训【瞓】？

如深：……嗯？

沈如深：（起身躺到床上，闭眼）好夜喇，你过来陪我一齐睡喇？我同你讲下我嘅故事，或者你听下听下就会 瞓（睡） 着 嘞。

【发现音乐没了别方，后面有】

如深：（飘过去，也躺下）你真系唔惊我。

沈如深：你之前都讲过，人比鬼更可怕，喺我细个嗰阵，其实屋企好穷 ，难过嘅时候，两日净系食一个窝窝头都试过  。

如深：我比你好过啲，至少，我从嚟都冇捱过饿。

沈如深：不过系我最开心嘅日子。

如深：嗯？

【发现音乐再次没了，就赶紧手动点音乐停，不要音乐了】

沈如深：我娘亲系一个美人，来求亲既人络绎不绝，但系佢拣咗当时最穷嘅爹爹。爹爹好爱娘亲，就算日子再难捱，都唔舍得畀娘亲出去做嘢。

如深：真系好。

沈如深：系呀，真系好，嗰排，我每晚都系喺阿爹阿娘嘅怀中 瞓 觉 [ 睡觉 ]  ，朝早起身，爹爹去咗做嘢，娘亲已经煲好粥挪羹一啖一啖噉样喂我。

如深：后来咧？

沈如深：（恍惚）后来……后来阿娘病咗，病得好严重，屋企嘅银两，都攞嚟同阿娘医病，都系唔够……根本唔够……

【美人骨扇BGM10】

【回忆转场，一间破旧的屋子里】

沈母：（兰儿兼，虚弱）咳咳……相公，你唔使再嘥心机喇，我嘅病，无得医㗎喇……

沈父：唔系㗎 ！乜冇得医呀，佢哋都话，只要请到周大夫，实医得好㗎 ！

沈母：（摇头，虚弱）噉周大夫嘅诊金，一般人点畀得起，呢几日因为我嘅病，屋企啲钱已经使得七七八八，你睇下你同深儿，都饿成噉样，相公，你听我一句劝，冇再为我嘥钱，深儿佢仲细，佢已经两日冇米落肚喇。

沈父：（突然大吼）唔好提佢！就系因为佢，如果唔系生咗佢，你嘅身子点会咁虚呀？佢都五岁人，日日着衫食饭都要你来，佢就系个扫把星，佗衰家！

沈如深：（躲在门外偷听，萝莉，忍住哭泣）……

沈母：（不可置信，微激动）咳咳……相公！你点可以噉谂㗎 ，深儿系你亲生骨肉嚟㗎 ！

沈父：（握拳）今日有牙婆睇中咗佢，畀咗一锭金我，你放心，嗰户人家系个大善人，可惜老来无一子女，佢哋听日过来接人，深儿过去，一定会享福，你安心等周大夫同你医病啦。

沈母：你讲咩话？你要将深儿卖畀人？（着急起身）咳咳……我唔准！深儿系我个女，冇人可以带走佢！啲金咧？你将啲金还番畀人，咳咳……将我嘅深儿还番畀我呀！

沈如深：（忍不住跑出来，哭泣）娘亲，深儿唔走呀，我唔要离开娘亲，呜呜……爹爹，深儿会好乖㗎，求你唔好将深儿卖畀人啦，深儿保证以后自己着衫，自己食饭，唔好卖深儿啊……

（两人抱住哭）

【美人骨扇BGM11】

【回忆结束转场】

沈如深：佢系最好嘅母亲。

如深：（半晌）噉后来，你爹……

沈如深：（突然一笑）呵呵……后来我娘以死相逼，先阻止到爹爹，冇几耐，阿娘卒之撑唔住，佢临终前，逼阿爹发誓永远唔准抛弃我，对我要好似对佢噉好，唔系佢就死唔眼闭。

如深：好夜啦，快D训 喇 。

沈如深：嗯，（过了一会儿）如深 。

如深：……嗯？

沈如深：你系我第一个朋友。

如深：（半晌）你都系。

沈如深：（唇微勾，闭眼）嗯，瞓 喇。

（几日后，沈如深答应楚少衡提亲，迎亲当日，外面张灯结彩，锣鼓喧天）

【鞭炮停入】

兰儿：小姐，吉时到嘞。

沈如深：（望着铜镜，淡淡）嗯

兰儿：小姐真系玉貌人美，天姿国色，真系益晒嗰个楚公子。

沈父：（沈父推门）准备好未，出边已经……（突然愣住）

沈如深：（转身）深儿见过爹爹

沈父：（愣愣）夫人……

沈如深：我系深儿，唔系娘亲

沈父：（回神）哦……你同你娘亲，真系好似。

沈如深：（平静）嗯，爹爹想来催深儿？深儿已经准备好啦，一齐出去啦 

沈父：（复杂）等阵，深儿……若然你实在唔喜欢楚少衡嘅话，为父可以……

沈如深：（打断）楚大哥一表人才，又有皇家身份，深儿点会唔喜欢，好喇，兰儿，扶我出去。

兰儿: 系。

沈如深：（独白）每个女子，都希望嫁俾心爱之人，而我嫁嘅，系一个十恶不赦，甚至，系会要我命嘅男人，而我，今生无悔。

【多听会音乐，不急— 4:15 】

（花轿途中，八抬大轿，一路吹奏乐曲，街上，群众围观，议论纷纷）

路人甲：【男主兼】今日系边家公子小姐成亲呀，咁大阵仗嘅。

路人乙:【沈父兼】仲有边家啊？咪沈家同埋……传说中嘅嗰家咯。

路人甲: 呀 ？传说中？

路人乙:  嗰位嘅身份而家东郡城有边个唔知呀 ，早就系公开嘅秘密喇 ，不过……（在他耳边悄悄说）上头冇下令接嗰位返去，我哋老百姓咪扮咩都唔知咯，实际上嗰位无非缺个名分啫，诶，唔讲啦唔讲啦，你哋外地来嘅，米惹姓楚班人就得啦。

【花轿到了楚家】

喜娘：【兰儿兼】新娘到，新郎迎新娘子落轿 。

（身穿喜服的楚少衡迎沈如深下轿）

楚少衡: 深儿，你手咁冻嘅 ？

沈如深:（抿唇）系有啲冻。

楚少衡: 我拖住你就唔会冻亲啦。

（到大厅）

喜娘: 一拜天地~

【美人骨扇BGM12】

（两人拜堂，沈如深脑海里是如深的对话）

（如深全程混响）

如深: 过埋今日，你就冇后悔既机会。

喜娘: 二拜高堂~ 额（突然想起楚少衡没有高堂在这）

楚少衡: 拜泰山大人就得喇。

沈父:（坐立不安）岂~~噉点得呢？，唔得嘅唔得嘅~~~

楚少衡: 深儿嘅爹爹，自然系我阿爹，

（说完，朝着沈父一拜）

如深: 楚少衡系个杀人无数嘅大恶人，你嫁畀佢，随时都可能性命不保。

沈如深:（朝着沈父一拜，内心）爹，对唔住。

喜娘:（见状，乐呵呵的赶紧喊）夫妻对拜~

如深: 沈如深，我欠你嘅 ，只怕今生都冇办法还。

沈如深:（下定决心的闭眼，弯腰拜堂）

喜娘: 送入洞房~

【要是音乐没了就手动点暂停】

楚少衡:（温柔）深儿，你自己返房先，乖乖地等我，我去敬杯酒就翻来 。

沈如深:（小声）嗯

【美人骨扇BGM13】

（楚少衡离开后）

（房间内）

沈如深:（小声）如深

如深: 我喺度。

沈如深: 楚少衡嘅美人骨扇，你确定就喺佢身上？

如深: 我唔知啊，我骨扇嘅气息都被楚少衡身上嘅戾气掩盖咗，（突然隐约有众多女子哭泣声）诶，你有冇听到？

【哭声背景：---CV 妖奈奈&小桃红】

沈如深: 听到咩啊？

如深: 有人喊啊，系女子嘅喊声。

沈如深:（仔细听，哭声越来越清晰）有啊，听到？

如深: 冤魂无数，楚少衡究竟杀咗几多无辜嘅女子？

【切换音乐入】

沈如深:……乜佢哋都冇办法投胎咩？

如深:有D可能无办法投胎，有D就同我一样，唔甘心就噉枉死系佢手入面。

沈如深:冇人去告官咩？佢杀咗咁多人？唔通就冇人可以阻止咩？

如深:告官？阻止？呵！佢系皇帝嘅私生子，但系点解冇人接佢返皇宫呢？

沈如深: 点解呀？

如深:我地成亲虽然冇几耐，佢亦冇打算留低我条命 ，所以乜都话我知，嗰时，佢同我讲…….

【2:03转场】

（画面一转，回忆，楚少衡拥着如深看着窗外月亮）

楚少衡:廿几年前，我阿娘曾经都系青楼姑娘，同你一样，卖艺唔卖身。

如深:然后你阿爹帮你阿娘赎身，佢哋有无成亲啊？

楚少衡:我阿爹嘅身份，唔允许娶一个青楼女子过门，连做妾嘅资格都冇。

如深:令堂身份尊贵？当官？

楚少衡: 对，正是那宫墙内主事之人。

如深:（一震）……你系话？（看着他点头）咁，最后你阿娘……

楚少衡: 我娘死牛一边颈，佢知道我阿爹唔可以娶佢之后，就以死相逼。

如深: 噉最后有冇成功？

楚少衡:（摇头）系人都唔中意俾人威胁，尤其系位高权重嘅男人，噉反而会激嫐佢，于是乎，佢派人软禁咗我啊娘之后就回宫啦。

如深:……之后你阿娘发现有咗你？

楚少衡:嗯，佢好开心，以为可以母凭子贵，但系佢又错咗，嗰个男人都好多子女 （笑，像是在讲别人的故事）当佢知道咗男人依然唔会娶佢，同埋唔去探佢之后，佢就 癫 咗，开始每日虐待个仔，佢钟意听个仔喊，因为佢觉得个仔嘅喊声会被嗰男人听到，然之后 就会过来探佢。

如深: 佢点可以咁过份㗎？（心疼的摸他脸）痛唔痛？嗰个男人最后都冇来？

楚少衡:（眯眼）来咗，就喺个仔被亲生母亲折磨到几乎不似人形 ，就嚟死嘅时候。

如深:（心疼）少衡……

楚少衡: 美貌嘅女人，随着时间，逐渐变得丑陋不堪，就好似我娘亲噉。深儿，我唔希望你会变成噉样。

【美人骨扇BGM14】

（回忆结束）

如深:后来皇帝自觉有愧于佢，于是大张旗鼓，时不时赏赐佢锦衣玉食，金银细软，百般容忍佢，除咗皇家名分，统统都可以满足佢，皆因佢系青楼女子所生，终生不得入帝王族谱继承事业。谁不知，后来呢件事传咗出去，被东郡城嘅老百姓一传十，十传百，大家都知道佢嘅身份，加之皇帝十分宠爱佢，所以就算冇咗明面上嘅身份，都无人敢同佢作对。

沈如深:可怜之人必有可恨之处，佢细个时嘅遭遇虽然可怜，亦都唔应该将自己嘅不幸加诸喺女子身上。

如深:（又落下血泪）系啊，佢唔希望我变丑，所以佢将我做成美人骨扇，将我定格喺人生最美丽嘅时刻（环顾房间，恨意）呢度，就系呢度！我哋嘅新婚之夜！当初，我就喺呢度……

【美人骨扇BGM15】

沈如深：（突然听到脚步声））佢过紧来嘞。

如深：借你身体一用！（附身）

【推门声】

楚少衡：（推门）深儿！

沈如深：（实际上是如深，但是是沈如深的声线，一震，轻声）楚大哥……

【脚步声】

楚少衡：（走近，温柔）仲叫我楚大哥，嗯？

沈如深：夫君……

楚少衡：（揭开盖头，炽热）我嘅深儿，你真系好美……你知唔知，我第一眼见到你就知道，你系我嘅……

沈如深：（握拳，强装娇羞）系咩？噉我系夫君嘅，夫君，亦都属于我？

楚少衡：当然呐，反之亦然（压下，准备吻她）

沈如深：（侧脸躲过）诶~~夫君，等阵，嗰日嘅美人扇，夫君系咪仲有啊？

楚少衡：（眯眼）你问呢个做咩？

沈如深：（嘟嘴）今日系我哋嘅新婚之夜，我要夫君将所有嘅美人扇都交出来，我要统统没收，一把都唔留畀你，哼。

楚少衡：呵……我就话点解咁酸 ？原来系我嘅深儿 呷醋 [ 吃醋 ] 啊。

沈如深：噉 ~你究竟俾唔俾啊。

楚少衡：（看着她一会儿，突然大笑）哈哈哈……好，有咗深儿，一个绝世无双嘅美娇娘，我无理由要山鸡唔要凤凰 㗎 ？来，带你睇吓，我全部嘅美人扇。

【1:49按下机关，密室门开】

楚少衡：（带着她走近一个房间）深儿，呢度~全部都由你处置，满意未？

（全部都是各种各样的美人骨扇））

沈如深：嗯~~咁深儿要认真啲睇下，夫君平时都画过啲咩美人。

楚少衡：（含笑）好，不过深儿最好快啲 喎，新婚之夜，为夫就嚟等唔切喇。

沈如深：好~等阵就来（走过去仔细查看）

沈如深：（混响）点样？边个系你？

如深：（极力压制心中的波动，混响）系佢嘞！就系呢把！楚少衡！你死期到嘞！深儿，再借你身体俾我用下，等我报完仇就还俾你。

沈如深：（混响，不好的预感）如深，你想点做啊？你……（突然意识沉睡过去）

如深：（混响）乖乖哋 瞓 （睡）喇，好快，一切都会回归正道。

楚少衡：深儿，仲唔过来？

沈如深：（走近）夫君，呢把骨扇上边嘅美人我中意，我要留低佢。

楚少衡：（看了一眼扇子）你钟意就攞去喇，不过，深儿，我咁锡你，你系咪都要表示下啊。

沈如深：咁靓嘅骨扇，夫君你舍得畀我啊？夫君放得咁隐秘，深儿仲以为，佢对夫君有咩特别嘅意义添。

楚少衡：（抚摸她脸）佢再靓，都唔及深儿，深儿，（深情）我爱你，你系最完美嘅。

沈如深：（低头）呵……最完美，又系哩句最完美，夫君，你究竟有几多个最完美呀？

楚少衡：（愣）深儿？你喺度讲紧咩呀？

沈如深：（低头）夫君，有咗另一个深儿之后，（两人脸和声音开始重合）我呢个深儿就唔系最完美啦，系咪？

（变回了如深的声线）

如深：（慢慢抬头）夫君，深儿好痛，骨头，面上，全身都好痛……

楚少衡：（震惊）你系……鬼！

【吓得倒退几步声，】

旁白：楚少衡望住眼前嘅女子，慢慢噉抬起头，原本艳丽如牡丹嘅容貌逐渐蜕变成为另一张倾城绝色，又苍白得可怕嘅面目，个女子一步，一步噉行近， D人皮，白骨一层一层跟住佢逐渐剥落系地上子，冇几耐，嗰张血肉模糊嘅面已经企系佢嘅眼前。

（以下如深全程混响）

如深：夫君，你系咪好惊我呀？你唔系话你爱我咩？我系你最完美嘅深儿呀，我而家呢个样，就系你一手造成，你亲手剥嘅皮，拆嘅骨呀，你唔记得啦？

【6:01退后撞倒桌椅】

楚少衡：唔系！唔系！呢个世上点可能有鬼！系幻觉……幻觉嚟㗎……

如深：幻觉……呵……（怨气冲天，狰狞）楚少衡，你  擘<maak3> [ 睁 ] 大对眼睇清楚，我就系果个~俾你害死既如深啊！

【6:20金光闪现】

如深：（正欲伸手，突然被一阵金光弹开，痛苦）啊！平安符！

楚少衡：（低头一看，惊魂未定）镇国寺嘅平安符？哈~原来真系有用……（突然举着平安符走近，试探）你唔系想杀我咩？来呀！过来呀，来杀我呀！

如深：（狰狞，扑过去）我要杀咗你！【6:39金光闪现】（被弹开，痛苦）啊！行开呀！拎走道符呀！啊！

楚少衡：（突然神经质的笑出声）哈……哈哈……哈哈哈…… 鬼又点样？我可以杀得你一次，就可以再杀你第二次，而你，做人嘅时候杀唔到我，宜家做鬼都米使旨意杀到我，哈哈哈……

如深：（狰狞，嘶吼）善有善报，恶有恶报！唔系唔报，时辰未到！楚少衡！你丧尽天良，残杀咁多无辜嘅人！我而家杀唔到你，日后必定会有人同我杀咗你个畜生！你等天葬趁地淋啦你！

楚少衡：报应？哈哈哈哈……深儿，枉费你生前跟咗我咁耐，你唔系我第一个作品，更加唔系最后一个，佢哋个个都话做鬼都唔会放过我，结果咧？我连个鬼影都见唔到啊，哦，唔系，我而家见到一个，但系你宜家呢，连埋我身啊都做唔到，你点唔放过我呀？哈？哈哈哈哈……

如深：楚少衡！你听住，总有一日，我要将当初嘅剥皮拆骨之痛，统统还番俾你。（如深的意识消失，沈如深的身体晕倒）

【美人骨扇BGM16】

楚少衡：（闭眼，狠狠握拳，良久）来人，将夫人同我绑起身先，然后去请镇国寺住持。

【转场】

（一群和尚在念经作法）

沈如深：（醒来，发现被绑着）嗯……发生咩事啊……

沈父：（焦急）深儿，女啊，你有冇边度唔舒服呀？（想过去，被楚少衡拦住）

楚少衡：泰山大人，佢唔系你个女，佢系鬼呀。

沈父：（迟疑）但系……

沈如深：爹，夫君，究竟咩回事呀？我点会被绑住㗎 ？（内心）唔通佢被发现咗，如深，你喺唔喺度呀？如深？

楚少衡：（眯眼）你究竟系边个？

沈如深：（迷惑）夫君，我系深儿呀。

楚少衡：边个深儿？

沈如深：夫君咩意思？深儿得一个啊，我系沈如深，你啱啱迎过门嘅妻子，你哋要做乜嘢呀？

楚少衡：（转头）住持大师，你点睇？

住持:（沈父兼）阿弥陀佛，呢位女施主印堂发黑，有鬼物缠身之迹。 但系眼神清澈，可见鬼物已经离开咗佢身体，呢个系老衲嘅佛珠，由女施主戴住，可避免再次鬼物缠身。

楚少衡：噉真系多谢住持大师，来人，同夫人戴上佛珠。

沈如深：（内心）鬼物已经离开……如深走咗？佢去咗边度咧……

【夜晚】

沈如深：（小声）如深，楚少衡而家唔敢过来㗎喇，你出来喇，你仲喺唔喺度呀？

如深：（出现，虚弱）我喺度，你将佛珠除低先。

沈如深：好（取下）你点样啊？

如深：我被嗰个老道嘅符咒所伤，呢排都冇能力附身啦。

沈如深：噉你而家点算好呀？

如深：楚少衡而家有符咒喺身，我又上唔到身，根本接近唔到佢半分（悲哀）唔通我注定报唔到仇？就好似佢讲嘅，无论做人定系做鬼，我都奈佢唔何。

沈如深：（独白）第一次见到佢，佢仲会因为恨同埋伤心流眼泪，但系如今，我睇住佢个块苍白既面容，硬系流唔出一滴眼泪。

【几日后】

【等音乐停入】

【门外】

兰儿: 小姐，你 瞓 [ 睡 ] 咗未呀？

沈如深: 未呀，你入嚟啦。

【进来声之后手动点暂停，不用音乐了】

兰儿: 小姐，呢啲系我偷偷地由厨房带出来 㗎 ，你今日都未食过嘢，梗系肚饿 喇，来，小姐食少少啦。

沈如深:你拎走佢啦，我食唔落呀。

兰儿：（替小姐不值）小姐，你天姿国色，系姑爷无眼光，情愿去其它地方住都唔过来，如果兰儿系男子嘅话，边舍得呀。

沈如深：（恍惚）兰儿，你话一个男人最放松，最冇警惕嘅时候，系几时 ？

兰儿：（脸红）我估应该系最沉迷，最舒服嘅时候。

沈如深：噉点样令一个男人最沉迷，最舒服？

兰儿：（脸红）小姐，呢个你点可以问兰儿㗎？

沈如深：嗯？

兰儿：就系……哎呀，兰儿差D唔记得，嗰日老爷特登要兰儿畀小姐一本书，（脸红拿出来放下）话系……话系小姐睇咗，就可以讨好姑爷嘞，一般男人喺……喺做嗰个嘅时候，最……哎呀，兰儿唔讲喇，小姐你自己睇下咪知咯【跑开】

【美人骨扇BGM17】

【兰儿离开声】

沈如深: 诶！兰儿！书……（拿起那本书，翻开，翻了几页后）来人，我要沐浴。

（几个丫鬟将花瓣撒进浴桶里，沈如深踏进浴桶）

【水声】

沈如深: 你地都落去喇，净低嘅我自己来得啦。

丫鬟们 : 系。

【水声】

（离去，半晌，沈如深站起，穿起一件大红纱衣，走近铜镜前，开始梳妆打扮）

沈如深：（独白，看着铜镜）鬓云拂  点朱唇  两腮霞映  小桃酥，春山蹙   秋波舞，画堂悲扇，美人枯骨（拿出如深的美人骨扇，抚摸）的而且确系好靓嘅美人骨扇，如深，我哋一齐并肩作战。

【1:20去找楚少衡，1:30推门声】

楚少衡：（听到推门声）唔系话咗冇打扰我嘅咩？边个……（抬头，愣住）

沈如深：（倾城一笑）夫君，呢个系你嗰日送畀我嘅美人骨扇，我选咗呢把，靓唔靓呀？

楚少衡：（愣愣，不知是说扇还是人）靓……

沈如深：夫君几日都唔来 探深儿，深儿好难过……（没等楚少衡开口，娇俏的魅惑，）佢地话，夫君钟意睇美人起舞（跳舞），深儿同夫君跳只舞，夫君就会锡番深儿嘞。

旁白：只见嗰个踏门而入嘅红衣女子，三千青丝尽披落，唯有眉间一抹红，血滴状嘅 花 钿[din6 电 ] ，衬得女子妖艳夺目，红色嘅衣祙（妹）飞舞，喺旋转起伏之间，露出女子雪白嘅皓腕，以及，嗰把楚少衡做出来曾经认为系最完美嘅美人骨扇，突然，女子嘅手臂，被扇面划破，佢抬起手，鲜红嘅血液顺住手臂一路噉流下，女子倾城一笑，将手中嘅美人骨扇舞得更加美艳，越来越多嘅鲜血，同大红嘅纱衣，融为一体，凄艳得来又俾人一种惊心动魄嘅美。

【美人骨扇BGM18】

楚少衡：（看她跳了一会一把过去紧抱住她）沈如深，你赢咗！（横抱起，压书桌上，兴奋的喘息）我确定，世间再都冇人会比你更加完美，（内心）我唯一嘅，最想做嘅美人骨扇（深吻）

（女主强装欢愉，实际在摸他的符咒丢掉，趁机杀他）

楚少衡：（粗喘）深儿……深儿……我爱你……你真系好美 ，令我朝思暮想，蚀骨销魂，你系我最完美嘅……最完美嘅。

沈如深：（双手游移，找他身上的符咒）夫君……我都爱你……啊……深儿……爱你

【0：45音乐停】

沈如深：（摸到符咒，内心）揾到嘞（一把扯掉）

【一把扯掉声】

楚少衡：（猛地掐住她脖子）你喺度做紧乜嘢呀？

沈如深：（难受）你放开我！

楚少衡：你想帮嗰只鬼嚟杀我 ？！

沈如深：我……（难受，突然看着他身后）如深！快啲杀咗佢！

楚少衡：（急忙转头，空无一人）你真系贱格！竟然够胆背叛我！（1:02一巴掌，有音效）贱人！本来想迟D再将你制成美人骨扇，而家睇来你已经 等唔切喇（好心急）！（扯起她头发）好，我满足你，我嘅深儿，开唔开心呀？我马上就会封存你嘅国色天姿，等你永远停留 喺 呢一刻。

沈如深：啊！（被迫扬起脸，手一直在背后摸索美人骨扇，突然）如深！快D入骨扇度！（1:30如深化作一到光，进入骨扇）

楚少衡：你又想暗算我，我……呃（1:35低头看着插进自己的腹部的骨扇）点解……会……

沈如深：（惊魂未定，笑）呵……楚少衡，你点都估唔到，呢个世上最了解你嘅人，竟然就系你之前杀过嘅人。

以下回忆，混响

【1:58转场】

如深：楚少衡系个爱美成狂嘅人，佢眼中嘅美，系最靓嘅人皮同埋人骨，用呢啲做成嘅美人骨扇，系佢最喜欢嘅，为咗制作最靓嘅美人骨扇，佢搜集天下美人，日日畀佢哋食最好食嘅膳食，着最柔滑嘅衣裙，一切嘅穿衣饮食，都要系最好嘅，全身心咁宠佢哋，之后，喺佢哋最靓嘅瞬间，将之剥皮，拆骨，成为佢最爱嘅美人骨扇。

沈如深：噉我应该点帮你？

如深：佢身上有一把随身携带嘅美人骨扇，嗰把骨扇系我嘅本体，本身唔可以重创伤人，但只要我附喺骨扇上，怨气就会成倍增加，然之后，你就亲手用呢把骨扇，刺入佢身体，就算大罗神仙都救唔到佢。

【3:21】回忆结束

沈如深：如深，你可以出来嘞。

如深：（出现，虚弱）呵呵……楚少衡，你都有今日嘞。

楚少衡：（脸色青白）你哋…… 原来一直系度暗算我，我死咗既话，沈如深……你亦无好下场。

如深：呵……边个话你会死？

楚少衡：你……你咩意思？

如深：你唔系最喜欢你嘅美人骨扇咩？而家，呢把骨扇上边全部都系我嘅怨气，佢唔会留低伤口，但系就会慢慢噉吞噬你嘅神识，慢慢噉，你就会变成一个人唔人，鬼唔鬼，冇思想，冇理智嘅行尸走肉，你觉得，皇帝会在乎一个变成白痴嘅私生子咩？到咗嗰阵时，人地都只会可怜嗰个东郡第一美人，有一个痴傻嘅相公。

楚少衡：你！

【美人骨扇BGM19】

楚少衡：（倒地，突然口吐白沫，口齿不清）来人！来人……

沈如深：（松口气）如深，佢……

如深：呃（突然身体一晃，差点倒下）……

沈如深：（焦急）你点啊？你嘅魂魄……点会越来越透明嘅……

如深：（虚弱）厉鬼，系由怨气而生嘅，投唔到胎，入不得轮回。而家我嘅怨气，都入晒楚少衡嘅身体入边，失去咗怨气嘅厉鬼，自然会慢慢噉魂飞魄散。

沈如深：（愣）你呃我……你之前唔系话报仇之后，就会投胎转世嘅咩？原来你根本就系喺度呃我！

如深：对唔住……我知道，你系个善良嘅女仔，如果知道报仇嘅代价系我会消失，你实唔肯帮我，系我……利用咗你。

沈如深：（压抑，忍泪）你存在嘅目的，就只系为咗报仇，系米？

如深：（一笑）系。

沈如深：噉我牺牲我最重要嘅幸福帮你，又系为咗乜嘢？

如深：我本来想话，如深今生无缘报答你，只求来世做牛做马，还你恩情，但系如深本嚟就系厉鬼，何来来生呢，一谂到就只能作罢。

沈如深：（泪模糊了视线）我唔要你报答，你睇，你叫如深，我都叫如深，如果有下一世，你我做双胞姊妹，好唔好呀？

【美人骨扇BGM20】

如深：（笑）好，多谢你呀，沈如深……

【逐渐消失，魂飞魄散）

沈如深：（看着消失的她，突然擦泪，走出房间）【脚步声】来人呀，夫君突犯马上风，口吐白泡，快啲请太医……【声音逐渐淡去】

【音乐变大。听一会儿】

（几年后，楚少衡痴傻的在地上找蛐蛐玩，沈如深站在门口望着这一切微笑）

兰儿: 小姐，你真系打算就噉过一世呀？圣上都已经准许你同楚……（改口）同老爷和离喇。

沈如深:（打趣）叫佢老爷，做咩仲叫我小姐，唔知嘅以为你喺度叫我阿爹添。

兰儿:（跺脚）小姐~

沈如深: 你应该称我为夫人啦。

兰儿:（不情愿）系，夫人

沈如深: 当初嫁畀佢，就冇可能同佢和离，你以为圣上真系同意我同夫君和离咩？

兰儿: 但系圣上唔系话……

（1:32走过去擦擦楚少衡的额头上的汗）

沈如深:夫君，咪玩喇，快啲过来用膳喇。

楚少衡:（痴傻）嘿嘿……多谢阿娘……阿娘抹下汗呀，帮少衡抹下汗呀！

沈如深:（面上仍是温柔）系娘子，唔系阿娘。

楚少衡:（仍是痴傻）阿娘，饿，食，饭，饭，饿

沈如深:（没面对兰儿，却是对着兰儿说）夫君如今噉嘅样，圣上明面上话唔介意我同佢和离，但系我若然真系同夫君和离嘅话，即系话畀世人知，我嫌弃佢，圣上可以嫌弃自己个仔，唔代表其他人都可以。

兰儿:（眼眶红了，哽咽）但系夫人仲咁后生。

沈如深:（只是一笑，不说话）

（突然，楚少衡看见她腰上的一把扇子，直接拿了过去）

楚少衡:娘！（指着扇子）靓！靓！娘！少衡！要！要靓！

沈如深:（眸色一暗，轻声）呢个系如深嘅。

（兰儿和楚少衡都以为是指她自己）

兰儿: 夫人，呢把骨扇真系好靓呀，喺边度买㗎，第日兰儿都想买一把。

楚少衡:（委屈）少衡，又要！要！

沈如深: 冇嘞，就得呢一把。

沈如深：（看着手中的骨扇。混响）美人骨扇，真系靓，呵……楚少衡讲得冇错，呢把的确系佢最完美嘅作品，以后，再都唔会有美人骨扇，如深，开唔开心呀？你，系世上唯一嘅。

【3:34音乐变大】

  END （ 妖奈奈 2023.9.20 授权于 柳如诗 粤语改编 ）--------- 

【原创作者：妖奈奈】结束语: 此本献给腹黑女神沈如深，又名布小窝，祝亲爱的生日快乐。。。虽然说大生日的你奇葩的要个变态本，但其实我觉得这本并不变态，感觉又虐了一发啊，广播剧是原版的版本，扩充版的懒得重做啦，感兴趣的可以去听哦。

 qq群：290557787

喜欢妖奈奈的进哟，无感和讨厌的就不要进啦

2016.06.04

柳如诗干音录制叨叨：大家在忙碌中抽空去完善剧本的创作，G Y为了更逼真演绎仆从被少爷打的那声痛叫，对自己下狠手打了自己十多拳！我感动于无偿而每一个认真对待的你们，谢谢~~~ღ( ´･ᴗ･` )比心。

翻译本是个专业活，会说粤语不等于能翻译得最贴切，但我们尽力了，问心无愧。就算点评的人，也不是专业的，什么付出都没有，轻易的否认别人的辛苦努力，所以大可收回你的指手画脚。我们的问题自会发现和进步完善。

—— 更多 粤语本 推荐 ——

【粤语双普】

——1男1女——

现代淡本【383393】<车站 >9千字

现代纯爱淡本 【511559】<应是应时>3千字

现代爱情苦本【788431】< 再见莉莉安 > 6千字

现代友情淡本【819667】< 蒙面聊 >3千字

动漫欢脱本【897225】< 齐木楠雄的灾难>2千字

现代淡本【579895】<苏格拉底与失恋者的对话>2千字

现代淡本【604253】《恋人未满》3千字

—— 2男 or  2女——

现代耽美甜本【747905】< 过招> 4千字

现代友情淡本【598449】< 只有你知道 >2千字

现代友情淡本【542761】<一起活到八十岁>4千字

【粤语多人普】

——1男2女/2男1女——

现代苦本【198039】< 阳光之下罪恶生根 >6千字

现代欢脱本（无性别）【282023】<福禄荃寿  > 3千字

近代苦本【386364】< 杀手蝴蝶梦 >3千字

——2男2/3女——

现代苦本【471357】< 灵感 >9千字

近代淡本【831727】< 最好的时光第一集 >3千字

【粤语剧情歌】

现代欢脱本【251639】<杠精 >4千字

现代甜本【364251】< 肉麻无罪 >5千字

现代甜本【342737】< 肉麻无罪2 >5千字

微燃剧情歌【303705】< 飒 >3千字

现代欢脱本【923407】< 做个开心人>3千字

现代欢脱本（无性别）【282023】<福禄荃寿  > 3千字

现代本（全女）【372825】<我系御姐音  > 4千字