剧本角色
夜尸
男,30岁
这个角色非常的神秘,他的简介遗失在星辰大海~
书童
男,30岁
这个角色非常的神秘,他的简介遗失在星辰大海~
刘sir
男,0岁
这个角色非常的神秘,他的简介遗失在星辰大海~
注:
1.此本偶然所得,没有很刺激的剧情,慎入。
2.是两个大叔对话,男男(非耽美),不喜勿喷就是了。
3.推荐用粤语玩。想玩下国语版 可搜索本号:881679
自备道具:酒/水、打火机
【燕尾服剧社】出品
此本仅供pia戏交流,图片、音乐均来自网络,侵权立删!
脚步声停入
夜尸:(混响)人好搞笑,会习惯性咁放大自己嘅情绪,而忽略其他野,忽略身边嘅人,身边嘅事,身边嘅物。好多时候,往往唔系发生噶事本身有几咁可怕,而系发生嘅事带黎嘅情绪无及时处理,次次堆积叠加,从而不知不觉发泄系身边嘅人身上。最可怕嘅系,相处本身就系相互嘅,情绪叠加带黎嘅伤害都系相互嘅,而且越亲近嘅人,理所当然咁伤害得越深,仲会恶性循环。系个好犀利嘅作者度睇过,好似叫——“野马效应”。
『酒吧内』
音效:7个人你叫14个6?你口渴啊?饮啦!留住养鲨鱼啊?!小喇叭~唔饮得戒左佢了吗!
音效:啊檬?好似去左扣喉喔。哈?洗手间?个边!个边。 CV:迷途小书童
脚步声
呕吐声停
夜尸:哇,消防栓啊?檬SIR嘅酒量溝左水咁喔?
书童:妖,你识条铁咩,(又反胃)啱搞掂单大case,有两日假放松下。几时翻来噶?
夜尸:今日下昼,睇下你个样,行啦,稳个地方坐下。
脚步声
绵绵头上飞花
散聚了无牵挂
谁能求漫天雪地里这足印不退下
闪回
『江边』
开啤酒
夜尸:仲饮啊?比我 妹/细佬 知道,殴跛你只脚啊。
书童:所以话你!头先饮嘅系气氛,依家饮嘅系情怀。(递)
夜尸:唔饮啦,阵间送你翻去我仲要过深圳。
书童:话知你,唔饮我自己来,(喝酒)眨下眼十几年咯!
夜尸:十五年啦,我地一起过左十五个生日。今次翻来时间有点懑水,呐!揸住。
书童:死野,贿赂我啊你,只表唔错喔
夜尸:华强北顶配高仿,你拎过瑞士都无人验得出,几百蚊噶!
书童:(点烟)我地几个,我同你最啱倾,啱识个阵估都估唔到。(递烟)
夜尸:(点烟)你个阵读书叻啊嘛,仲以为你会做个医生添,我地净系识搞搞震。
书童:妖,细个屋企穷啊吗,唔读书边有出息啫,做唔做医生有物所谓,有个铁饭碗不知几好,我个阵不知几羡慕你地,特别系你拎起张折凳掯落冬瓜个头个阵,简直当你神咁拜。
夜尸:佢身痕啊嘛。本来见佢就样样衰衰噶啦,个日你啱啱转学过来好似鹌鹑咁比佢签队仲拱埋一边,见到就扯火。哈哈,港片体多左。
书童:(沉默)几时走?
夜尸:唔急,你慢慢饮。
书童:你依家变左好多,以前唔系识左你嘅话,我都无咁生鬼。
夜尸:你系解放天性,好嘅唔学。
书童:嘿嘿,依家点吗?仲系一个人?
夜尸:嗯。
书童:真系?
夜尸:珍珠都无咁真啊,讹你托咩。
书童:嘿嘿嘿,咁你一个人系深圳,咪好似放监咁?稳食稳唔少啦?
夜尸:痴线,日求三餐,夜求一督啊?
书童:所以话你,女人呢,系要慢慢黎嘅。
夜尸:年纪大啦,嫌麻烦。
书童:黎啊,讲多两句啊师父。
夜尸:米扮鬼扮马。走啦,(走远)我送你翻去,就黎结婚啦,生性滴啦。
书童:阿君返左屋企,放下假啊嘛。
06:16汽车发动
书童:听讲冬瓜佢老豆个阵已经cancer (癌症)了喔。
夜尸:好似走左好多年啦,佢地个代人经历多好多,无同我计较姐,仲叫我比地心机读书,考翻个好学校。其实我几多谢佢。
书童:抵死嘅无死。
夜尸:乜啊,(沉默)丢,我都无怪过你。
书童:但系哩度(手指戳心)会一世都记住。
书童:你对佢仲有怨气?
夜尸:(沉默)啱开始个阵多少都有滴噶,话支持我嘅系佢,话顶唔顺噶又系佢。依家无野啦,人都去左咯,生活平静翻,霖霖下,又好似系因为自己唔够稳,脾气仲死咁臭。
书童:无啦?
夜尸:无乜啊?
书童:继续啦?轻轻讲两句就无啦?
夜尸:丢,你估睇电视咩。到啦,系咁啦
书童:(笑)
汽车开门关门
书童:一唔系就行过条路咯,你依家哩个老细,唔啱你嘅。
夜尸:(沉吟)得啦,我会霖下,下次翻来约你地两个吃饭,走啦。
07:59汽车打火
书童:(喊)喂!下次几时返啊,开车小心啊!
夜尸:(电联手势)知啦!
小乔:次次都系咁,你好攰,唔通我唔攰咩?
小乔:又话我唔明?咁你又明唔明我啊?
小乔:你估想次次都拿分手出黎讲啊?你唔激嬲我我会讲咩?
小乔:我地都太在乎自己嘅情绪啦,本来好小嘅事,都会搞到对方攰,不如我地就咁算咯?
CV:鱼儿
我...
已经将欢欣和希望
交给你心
橙光熄灭
就没法修补这裂痕
如长堤已崩...
闪回
夜尸:(混响)人人都知道每一件都系小事,但如果每一件都因为系小事而去忽略,或者急于用既有嘅认知否定客观事实,后果永远只有当事人自己承担翻,无人会系例外。
开门关门,脱外套
『“我”眼角余光,发现落地窗帘后面有个人影』
新音乐入
夜尸:(深呼吸)
继续脱外套,开电视,悄悄脱鞋靠近落地窗,猛的拉开窗帘
子弹上膛声入
『“我”被人用枪抵住脑袋』
夜尸:哇,搞咩啊你?
书童:呐!你嘅,你啊妹买左对鞋比我地,投先唔记得拎比你。
夜尸:妖,寄过黎咪得咯。
书童:哈哈,反正听日休假,佢又唔系屋企,我今晚唔翻去啦。
夜尸:试但你。
脚步声+坐下
『“你”和“我”看到了桌面上的照片』
书童:(点烟)对唔住。
夜尸:过左去就算啦,米讲哩滴。
书童:边有咁容易算噶?我见到佢个阵,佢啱啱跳左落去。
夜尸:我都话左无怪过你咯,唔好提啦。
书童:我即刻打电话比我滴伙计安排救援,但系都系迟左。
夜尸:唔使讲啦。
书童:(自顾自 )如果我当时即刻挑落去救佢,就唔会....(搞成咁)。
夜尸:(打断)我叫你收声啊!
书童:(沉默)
夜尸:(吸烟)我一直都觉得,我地只系因为累计噶问题太多,误会太多,两个人都无办法冷静先至会分手。我同佢一起七年啦,我地都好了解对方,虽然误会多,但都系小问题。我好清楚佢唔系一个冲动到自寻短见嘅人。
书童:你 想讲乜。
夜尸:无错啊,我地次次吵完架,佢都会去码头吹风,但系当我见到佢条颈上面嘅伤个阵,已经呃唔到自己,你话世界上点会有滴咁巧嘅事,啱啱好伤痕上面会有戒指印,啱啱好你个戒指唔见左。
书童:(愣住)...
夜尸:如果比多次机会你,你会点拣?
书童:(吐出口烟)
夜尸:(情绪渐起)哩个戒指系一起过生日个阵买嘅,我地一人一个,你唔系话唔见左咩?
书童:......
夜尸:(质问)物你地休假可以带枪噶!?
书童:(又吸一口)
夜尸:(爆发)你唔系多野讲咩?出声啊!
书童:(被逼急了)系我!无错啊系我!(意识到过于激动,调整呼吸)我都无估到会咁噶!读大三个阵,我家姐嘅病已经已经好严重,严重到净系可以训系铺床度。佢系我唯一一个亲人啦,咁多年黎,佢为左我,唔好话拍拖,连一日好日子都未过过啊...我真系欠佢好多...个阵,我一落课就去稳兼职,去酒吧做孤喱(苦力),同私人诊所打杂,茻茻紧(刚刚好)够维持医药费...
沉默双方吸两口烟酝酿下情绪,时间足够
『“你”想起父母早忙,自小和心脏病姐姐相依为命的日子,情绪复杂』
书童:个日好似系5月18号。我揸住兼职嘅工资同埋滴奖学金,漏夜去医院帮我家姐交住院费,系条后巷见到佢地交易,我以为...我以为佢地无见到我...
夜尸:我...我地无听你讲过。
书童:(失控)同你地讲有乜用啊?!佢一日好日子都未过过啊!
书童:(话锋一转)毕业之后,佢地逼我考左警编。而我家姐,终于都系走左,小乔出事个日系家姐头七....
13:35 闪回(回忆混响)
『某天 码头 争吵过后 小乔来到码头』
小乔:不如我地就咁算咯?(惊)
老板:放心啦Happy哥,成个码头边个够我把炮啊,哩边收到钱我即刻同你安排发货...边个?!
书童:(压女声)大佬,交比我。
老板:做野,干手净脚喔。
书童:大佬放心。
脚步声,落水声
老板:来啦Happy哥,我带你去放松下,体验下我地本地嘅风土人情。
闪回(现实关混响)
书童:(哽咽)我都唔知佢点解会出现系个度!个阵佢见到左成个交易过程,就算我唔出手,佢一样都会死!我只能够抢先一步出手,起码佢仲有一线生机!
书童:(逐渐低落)我...我明明记得佢水性好好噶,佢唔系仲拿过奖嘅咩?点解...点解仲会搞成咁噶....(惨笑)唔系...都系因为我,都系因为我.....
夜尸:(沉默,情绪复杂,深吸口气)如果我今日唔问你,你要瞒到我几时?
书童:(紧接)我本来就无霖住瞒你好耐!三个月前我已经接到任务,要稳到社团入边只鬼,唔通我唔知系你咩?其实化骨龙个晚根本就无将你嘅消息送出去,消息系我发比刘sir嘅。家姐走左...我已经唔想再帮佢地做野,只不过...只不过我无霖到小乔会出现系个度,系我对你唔住....你依家可以打电话比刘sir。
夜尸:(又是一愣)唔怪之得,化骨龙(卧底)明明已经死左,但系交易个阵,刘sir仲可以带人过来。同小乔办事个日,我 妹问你只戒指去左边,你话早就唔见左,但系手指上面嘅戒指印仲系好明显,我一早就应该估到!
书童:咁你仲打唔打电话,唔打我走啦。
夜尸:你自首啦,我会叫刘sir帮你争取。
脚步声停 脚步声响起+开门关门
我(疲倦,深呼吸)
微信提示音
书童:(混响)我已经翻唔到转头。凌晨3点,波仔码头52号-08仓。我会比翻个交待你,保护好啊君!
夜尸:(猛地起身)喂!你等阵!
跑步声远去
明明我已昼夜无间踏尽面前路
梦想中彼岸为何还没到
明明我已奋力无间天天上路
我不死也为活得好
有没有终点 谁能知道
转场
老板:Happy哥,你滴货已经准备好晒,随时可以出仓哈哈哈!
飞虎队:你地已经被包围,全部器械投降!
老板:快滴走!
老板:扑街,原来你先系个只,动手!
转场
『翌日 江边』
江潮声+风声
微信提示音
刘sir(电话音)欢迎翻来!成班手足都辛苦晒啦,我地今晚开个庆功宴。
夜尸:(笑)好。
有没有终点 谁能知道
在这尘世的无间道。
新闻联播:以下系新闻简报,今日凌晨,警方系波仔码头破获大型毒品交易案件,粉碎左不法分子荼毒社会嘅阴谋,“我”入为社会嘅安定繁荣拨除左一大毒瘤....
夜尸:(混响)好多事系发生之前,我地都唔知佢会发生。虽然答案我地无得拣,但系我地系可以拣决定答案嘅路点行,而且条路,就系我地脚下边。
想玩下国语版 可搜索本号:881679
快到终点 才能知道
又再回到起点 从头上路