原声文稿

好多时候朋友聚会呢，我哋都会见到有人会互相称赞嘅，你又赞我生意好，我又赞下你地位高，通常呢个时候，我就会忍唔住讲“喂，你哋两个做咩喺度互笠高帽”啊？

咁到底“笠高帽”系咩意思呢？其实呢就系普通话当中“戴高帽”嘅意思，“笠”喺粤语当中系戴同套咁解。

其实“笠高帽”呢个词系来源于封建社会嘅官本位噶，咁嗰时啲人想知道究竟呢个官有几大粒呢，就系睇佢头上顶乌纱帽喇，咁佢顶帽越高，官位就越大喇。

咁后来戴高帽就演变成为恭维对方咁解，而随住时代嘅发展呢，宜家我哋通常话“笠高帽”就会有一种过分恭维，氹对方开心嘅意思。所以呢以后有人对你“笠高帽”嘅话呢，你就要用心去辨别下，佢到底系真心赞你呢？定系想擦你鞋喇。